Sleppa valmynd og fara beint í meginmál

Ofnbakað eggaldin

með sterkri tómatsósu

Fjöldi
4
Innihaldsefni TÓMATSÓSA 350 g ferskir tómatar, saxaðir 500 g plómutómatar í dós 2 msk . ólífuolía 2 stk. skalottlaukar, fínt saxaðir 4 stk. hvítlauksgeirar, fínt saxaðir 1 búnt basilíka, söxuð 1 rauður, ferskur chili, fræhreinsaður og fínt saxaður Salt og pipar EGGALDIN 6 stk. lítil eggaldin Ólífuolía 4 stk. hvítlauksgeirar, fínt saxaðir 2 stk. paprikur, bakaðar, skrældar, kjarnhreinsaðar og skornar í strimla (hægt að nota úr krukku) 150 g sveppir, sneiddir 120 g blaðlaukur, fínt skorinn Salt og pipar Ögn af cayenne-pipar 100 g parmesan, rifinn (má sleppa) 500 g dósatómatar í bitum 1 búnt steinselja, söxuð
Aðferð

TÓMATSÓSA

  1. Svitið laukinn og hvítlaukinn í ólífuolíunni í nokkrar mínútur.
  2. Bætið tómötunum, bæði ferskum og í dós, út í pottinn ásamt chili og basilíku.
  3. Látið sjóða í 30- 40 mínútur.
  4. Kryddið til með salti og pipar.
     

EGGALDIN

  1. Penslið eggaldin með ólífuolíu og bakið heil á smjörpappír í forhituðum ofni, 180°C, í 40 til 50 mínútur.
  2. Kælið. Skerið eggaldin í tvennt eftir endilöngu, skafið kjötið úr og saxið það smátt.
  3. Skiljið örlítið af kjötinu eftir í hýðinu svo að það haldist heillegt og geymið.
  4. Hellið ólífuolíu í pott og steikið hvítlaukinn, blaðlaukinn og sveppina í nokkrar mínútur.
  5. Bætið síðan eggaldinkjötinu, kryddinu og tómötunum saman við og látið krauma við vægan hita í 20-30 mínútur.
  6. Hrærið reglulega í og gætið þess að ekki brenni við.
  7. Takið pottinn af hitanum og bætið helmingnum af parmesan-ostinum saman við.
  8. Fyllið eggaldinhýðið með blöndunni, stráið restinni af ostinum yfir og bakið í nokkrar mínútur í ofni.
  9. Berið fram með tómatsósunni.

 

VÍNIN MEÐ

Í vöruleitinni er að finna ýmsar hugmyndir að vínum sem henta með grænmetisréttum , en hægt er að sía leitina eftir þínum þörfum. 
Fleiri Grænmetisréttir

Sætkartöflu- og gráðostamauk á crostini

Byggottó

Blómkál, blómkál, blómkál

Kínóa grænmetishleifur