Pönnusteiktur þorskur 
með spínati og rjómasósu
Fjöldi
Innihaldsefni
ÞORSKUR
4 x 170 g þorskhnakkar
1.5 dl hveiti
120 g saxað hvítkál
120 g spínat
20 stk. kirsuberjatómatar
2 dl rjómi
80 -100 g smjör
80 – 100 g olía
Salt og pipar
KRYDDJURTAOLÍA
1 dl ólífuolía
1 dl ferskar kryddjurtir (steinselja, rósmarin, dill, basilika)
Maukað saman í góðum mixara og sigtað í gegnum fínt sigti
Aðferð
- Kryddið fiskinn með salti og pipar og veltið upp úr hveitinu.
- Bræðið smjör og olíu á pönnu leyfið að hitna vel áður en fiskstykkjunum er raðað á pönnuna.
- Hreyfið stykkin í fitunni fyrstu mínútuna til að fiskurinn festist ekki við pönnuna.
- Steikið í u.þ.b. 3 mínútur á hvorri hlið, takið fiskinn þá af pönnunni og leyfið að hvíla á meðan sósan er búin til.
- Minnkið magnið af fitu á pönnunni, áður en rjómanum er hellt út á og sjóðið niður um helming eða þangað til hann hefur þykknað. Smakkið til með salti og pipar.
- Steikið hvítkálið á heitri pönnu og kryddið með salti og pipar, hreyfið vel á meðan á steikingu stendur.
- Setjið hvítkálið á miðjan diskinn og fiskinn ofan á.
- Snögg steikið spínatið á heitri pönnu með kirsuberjatómötunum, setjið spínatið ofan á fiskinn og raðið tómötunum í kringum áður en sósan er sett á diskinn og nokkrir góðir dropar af kryddjurtaolíunni.