- Pastað er soðið í vel söltu vatni.
- Hvítlaukur er sneiddur og steiktur í stutta stund, þá er rækjunum bætt við og steiktar í örlitla stund.
- Næst eru tómatar skornir niður í 6-8 bita, þeim bætt út á pönnuna og allt steikt saman í 2 mínútur, þá er hvítvíninu bætt við blönduna og eldað í 2 mínútur í viðbót.
- Chili er fræhreinsað og sneitt og er því næst bætt á pönnuna ásamt steinselju og örlitlu af pasta vatninu.
- Börkurinn af sítrónunni er raspaður út í og safinn síðan kreistur líka saman við.
- Sósan er smökkuð til með salti, pasta sett í skál og sósunni dreift yfir ásamt parmesan.
VÍNIN MEÐ:
Þessi réttur kallar á Riesling með örlítilli sætu eða nýsjálenskan Sauvignon Blanc en báðar tegundirnar búa yfir ávaxtaríkum bragðeinkennum og góðri sýru.