Greinar
30.12.2016
Fyrsta reglugerð um lífræn matvæli var gefin út árið 1991 af Evrópusambandinu. Þessi reglugerð tók yfir plöntur, ræktun þeirra og matvörur unnar úr þeim. Þar með var komin reglugerð sem hafði með vínframleiðslu að gera.
30.12.2016
Sögu skipulagðrar víngerðar má rekja aftur um ein 7.000 ár eða svo. Það sem við köllum léttvín eða borðvín er því ekki nýtt fyrirbrigði. Fornminjar gefa til kynna að fyrst hafi skipulögð vínræktun í víngörðum hafist í Kákasus. En fljótlega eftir það barst þessi þekking til landanna fyrir botni Miðjarðarhafsins ...
30.12.2016
Lífræn ræktun vínviðarins leiðir af sér að allt umhverfi vínviðarins, svo sem garðurinn sjálfur og allt nánasta umhverfi hans, tryggir náttúrunni á svæðinu ákveðið heilbrigði og jafnvægi. Til þess að tryggja frjósemi jarðvegsins er eingöngu notaður húsdýraáburður og inn á milli vínviðarraðanna er ræktaður annar gróður sem tryggir fjölbreytileika í flóru víngarðsins.
30.12.2016
Til þess að vínviðurinn skili sem bestum árangri er mikilvægt fyrir vínbóndann, sem framleiðir lífrænt vín að hafa eftirfarandi í huga...
30.12.2016
Þeir sem kjósa grænan lífsstíl og þar með lífræn vín vilja bæta umgengni við náttúruna og stuðla að því að landbúnaður sé sjálfbær. Lífræn ræktun á vínekru lýtur í grunninn sömu kröfum og í landbúnaði almennt. Bannað er að nota tilbúinn áburð, skordýraeitur og öll önnur eiturefni sem notuð eru til verndar gegn sníkjudýrum. Þess í stað eru notaðar náttúrulegar leiðir til að vernda vínviðinn sem hafa þann tilgang að bæta jarðveginn og gera hann sjálfbæran, lifandi og nærandi fyrir plöntuna...
30.12.2016
Fremstir í flokki í lífrænni vínræktun hafa verið Þjóðverjar og Austurríkismenn, en aðrar þjóðir flykkjast nú í þennan hóp. Framleiðendur keppast nú við að snúa til betri vegar og fá garða sína vottaða fyrir lífræna ræktun, en þessi hópur hefur á síðustu árum aukist um tugi prósenta...
30.12.2016
Rósavín er best borið fram kælt. Best er að geyma það í nokkrar klukkustundir í kæli áður en það er borið fram, en ef ekki gefst tími til þess er hægt að setja það í frystinn í um hálftíma til að ná réttu hitastigi.
30.12.2016
Einhversstaðar í hlíðum Kákasus, vöggu vínsins, ríkti hinn goðsagnakenndi Persakonungur Djamschid fyrir um 8000 árum. Við hirð hans var borðað mikið af vínberjum sem geymd voru í stórum krukkum. Er berin í einni af krukkunum byrjuðu að gerjast var hún sett til hliðar því talið var að berin væru hættuleg, jafnvel eitruð. Óhamingjusöm kvennabúrsmær drakk af gerjuðum berjasafanum í þeim tilgangi að stytta sér aldur – en vaknaði upp með sælubros á vör. Hún hafði drukkið fyrsta vínið, og það getur ekki hafa verið annað en rósavín ...
21.12.2016
Íbúar á norðurhjara veraldar eiga flestir það sameiginlegt að vilja dökk og kraftmikil rauðvín, hvort heldur þau eru höfð með mat eða ekki. Á þessum árstíma gera flestir vel við sig í bæði mat og víni. Sé gengið út frá hnattstöðu, þá eru bragðmikil og kröftug vín í uppáhaldi þegar velja á eitthvað gott til að hafa með hátíðarmatnum. Ég tók smá skoðunarferð um Vínbúðina til að finna út hvaða vín ég gæti hugsað mér með þeim fjölbreytta hátíðarmat sem er til boða á aðventunni og um hátíðarnar.
02.12.2016
Notalegheitamatur er kannski ekki þjálasta orðið yfir comfort food en skilst þó ágætlega að mínu mati. Þegar skammdegið færist yfir sækjum við í annarskonar mat, líkt og matarmiklar súpur eða pottrétti. Ímyndið ykkur að vindurinn gnauði úti, við séum búin að kveikja á kertum og bíðum eftir að maturinn verði klár.