Fréttir
25.07.2022
Vikan fyrir verslunarmannahelgi er að jafnaði ein annasamasta vika ársins í Vínbúðunum. Opið er samkvæmt venju um verslunarmannahelgi á föstudag og laugardag en lokað sunnudag og mánudag (frídag verslunarmanna)...
22.07.2022
Sem mikilvægur liður í þjónustustefnu Vínbúðanna er starfræktur metnaðarfullur Vínskóli hjá Vínbúðunum. Markmið Vínskólans er að mennta starfsfólk Vínbúðanna í þeirri breidd vöruúrvals sem er til sölu í Vínbúðunum, sem um leið eflir þjónustu til viðskiptavina.
Fyrir utan styttri námskeið um ýmsar tegundir áfengis, vínræktarsvæði og berjategundir býður Vínskólinn upp á tvö stig af lengri námskeiðum sem enda með prófi.
18.07.2022
ÁTVR og S.B. brugghús ehf. innkalla vöruna Cyclopath Pale Ale, sem er bjór í 330 ml áldós þar sem bjórdós getur bólgnað út og kann að springa.
12.07.2022
ÁTVR innkallar vöruna Sóló Sumarbjór, sem er bjór, í 330 ml áldós þar sem umbúðir vörunnar geta bólgnað út sé varan ekki geymd í kæli og sprungið með tilheyrandi slysahættu. Innköllunin miðast eingöngu við birgðir vörunnar merktar með best fyrir dagsetningunni: 22/10/2022. Varan hefur nú þegar verið fjarlægð úr hillum vínbúðanna. Allir sem eiga þessa vöru, með fyrrnefndri best fyrir dagsetningu, eru beðnir um að farga henni eða skila henni í næstu Vínbúð og fá hana þar bætta. Ef umbúðir vörunnar eru bólgnar er rétt að leiðbeina um að opna umbúðirnar að viðhafðri fyllstu varúð.
Framleiðandi vörunnar og ábyrgðaraðili er: Og natura / Íslensk hollusta ehf, Hólshraun 5, 220 Hafnarfjörður
Strikamerki: Á áldós: 5694230446667.
Varan hefur verið boðin til sölu í ÁTVR
Nánari upplýsingar veitir Gunnþórunn Einarsdóttir, sérfræðingur á Vörusviði, s. 611-2764 og gunnthorunn@vinbudin.is
14.06.2022
Þjóðhátíðardagur Íslendinga er haldinn hátíðlegur föstudaginn 17.júní, en við bendum viðskiptavinum á að þá er lokað í Vínbúðunum. Fimmtudaginn 16. júní er opið í flestum Vínbúðum eins og um föstudag sé að ræða.
Skoða nánar upplýsingar um opnunartíma Vínbúða um land allt.
24.05.2022
Lokað er í öllum Vínbúðum á uppstigningardag fimmtudaginn 26 maí. Miðvikudaginn 25. maí verða flestar Vínbúðir opnar eins og um föstudag sé að ræða. Á höfuðborgarsvæðinu verður því opið frá 11-19, en lengur á Dalvegi, Skeifu og Skútuvogi þar sem opið er frá 10-20.
19.05.2022
Ný og glæsileg Vínbúð hefur nú opnað að Miðvangi 13 á Egilsstöðum (þar sem Bónus, A4 og Lindex eru til húsa). Gamla búðin hefur verið á sama stað í 30 ár og bæjarbúar að vonum spenntir yfir flutningnum.
11.05.2022
Nú er sumarbjórinn kominn í sölu í Vínbúðirnar, en sölutímabilið er frá 2. maí og lýkur mánudaginn 31. ágúst 2022. Sumarbjórar eru einungis í sölu yfir sumarmánuðina og margir sérstaklega framleiddir sem slíkir. Um 70 sumarvörur eru væntanlegar í ár yfir tímabilið, en í Vefbúðinni er hægt að sjá lista yfir þann sumarbjór sem í boði er á hverjum tíma og sjá hvar hann fæst. Flesta bjórana er einnig hægt að kaupa í Vefbúðinni og fá sent í næstu Vínbúð.