Fréttir
12.02.2021
Vínbúðinni í Borgartúni verður lokað frá og með mánudeginum 22. febrúar og rekstri hætt í núverandi húsnæði. ÁTVR auglýsti eftir húsnæði á svæðinu seinni hluta árs 2020 og buðu, meðal annarra, núverandi leigusalar húsnæðið áfram til leigu. Hins vegar náðust ekki samningar og sú ákvörðun því tekin nú að loka Vínbúðinni. ÁTVR harmar þessa niðurstöðu en því miður eru ekki aðrir valkostir að svo stöddu..
29.01.2021
Stefna Vínbúðanna er að vera í hópi bestu þjónustufyrirtækja landsins. Það markmið náðst í dag þegar tilkynnt var um niðurstöðu Íslensku ánægjuvogarinnar. Vínbúðin var í fjórða sæti af þeim 37 fyrirtækjum sem mæld voru. Þegar litið er til smásölumarkaðarins er Vínbúðin í öðru sæti af 18 fyrirtækjum á þeim markaði..
28.01.2021
Vínbúðin Grundarfirði hefur nú fengið andlitslyftingu þar sem skipt var um innréttingar og hillupláss aukið ásamt því að allar merkingar voru endurnýjaðar.
Verið velkomin í enn betri Vínbúð!
20.01.2021
Vínbúðin Ólafsvík hefur nú verið opnuð aftur eftir endurbætur. Skipt var um innréttingar og gólfefni ásamt því að frískað var upp á allar merkingar og er ásýnd búðarinnar öll bjartari og léttari.
Við bjóðum viðskiptavini velkomna í enn betri Vínbúð!
12.01.2021
Árstíðabundnir bjórar hafa verið vinsælir undanfarin ár og nú þegar þorrinn gengur senn í garð er eins og áður boðið upp á úrval sérgerðra bjóra fyrir tilefnið. Sala á þorrabjór hefst í Vínbúðunum fimmtudaginn 14. janúar en upphaf þorrans er á Bóndadaginn, föstudaginn 22. janúar.
04.01.2021
Nú geta viðskiptavinir nálgast MÍNAR SÍÐUR hér á vinbudin.is, en innskráning er með rafrænum skilríkjum hér efst á síðunni. Á mínum síðum er hægt að nálgast pantanasögu netpantana, sjá stöður þinna pantana, setja uppáhaldsvörurnar á topplista, gefa þeim þínar persónulegu einkunnir..
28.12.2020
Hefðbundin opnun er mánudag og þriðjudag 28. og 29. des, en opið frá 10-20 miðvikudaginn 30. des. Á gamlársdag er opið frá 9-14.
18.12.2020
Á höfuðborgarsvæðinu verður opið þriðjudaginn 22.des. frá 10-20, á Þorláksmessu frá 10-22 og á aðfangadag frá 9-13. Hefðbundin opnun verður mánudag og þriðjudag 28. og 29. des, en opið frá 10-20 miðvikudaginn 30. des. Á gamlársdag verður opið frá 9-14..
27.11.2020
Vínbúðin á Blönduósi er nú flutt í nýtt og betra húsnæði að Húnabraut 4. Vínbúðin er nú í töluvert stærra og bjartara húsnæði með góðu aðgengi. Til að þjónusta viðskiptavini enn betur höfum við einnig aukið vöruvalið.
Verið velkomin í nýja og glæsilega búð!
24.11.2020
Ertu í gjafahugleiðingum? Þá eru hér hagnýtar upplýsingar fyrir þig um hvað gott er að hafa í huga þegar valið er léttvín til gjafa.
Í Vefbúðinni hér á vinbudin.is er öflug leitarvél sem nýtist vel til að skoða úrvalið og fá hugmyndir að tegundum sem hægt er að gefa. Fyrst má nefna að í Vínbúðunum eru til sölu sérstakar gjafapakkningar og má sjá úrvalið af þeim HÉR.