Fréttir
24.05.2022
Lokað er í öllum Vínbúðum á uppstigningardag fimmtudaginn 26 maí. Miðvikudaginn 25. maí verða flestar Vínbúðir opnar eins og um föstudag sé að ræða. Á höfuðborgarsvæðinu verður því opið frá 11-19, en lengur á Dalvegi, Skeifu og Skútuvogi þar sem opið er frá 10-20.
19.05.2022
Ný og glæsileg Vínbúð hefur nú opnað að Miðvangi 13 á Egilsstöðum (þar sem Bónus, A4 og Lindex eru til húsa). Gamla búðin hefur verið á sama stað í 30 ár og bæjarbúar að vonum spenntir yfir flutningnum.
11.05.2022
Nú er sumarbjórinn kominn í sölu í Vínbúðirnar, en sölutímabilið er frá 2. maí og lýkur mánudaginn 31. ágúst 2022. Sumarbjórar eru einungis í sölu yfir sumarmánuðina og margir sérstaklega framleiddir sem slíkir. Um 70 sumarvörur eru væntanlegar í ár yfir tímabilið, en í Vefbúðinni er hægt að sjá lista yfir þann sumarbjór sem í boði er á hverjum tíma og sjá hvar hann fæst. Flesta bjórana er einnig hægt að kaupa í Vefbúðinni og fá sent í næstu Vínbúð.
06.05.2022
Árs- og samfélagsskýrsla ÁTVR 2021 er komin út á rafrænu formi. Í skýrslunni má finna ítarlegar upplýsingar um rekstur og starfsemi fyrirtækisins. Stefna ÁTVR er að vera í hópi bestu þjónustufyrirtækja landsins og fyrirmynd á sviði samfélagsábyrgðar. Í skýrslunni er gerð grein fyrir áherslum gagnvart hagsmunaaðilum, en allar miða þær að því að fylgja þeim áherslum sem koma fram í heildarstefnunni.
25.04.2022
Nú þegar sólin er farin að sýna sig er tilvalið að dusta rykið af kokteilhristaranum og koma sér í nettan kokteilgír. Á KOKTEILSÍÐU VÍNBÚÐANNA er hægt að finna úrval uppskrifta af girnilegum kokteilum, bæði áfengum og óáfengum, sem henta flestum tilefnum.
19.04.2022
Við minnum viðskiptavini á að lokað er í Vínbúðunum sumardaginn fyrsta, fimmtudaginn 21. apríl. Miðvikudaginn 20. apríl verður opnunartími eins og á föstudögum í flestum Vínbúðum. Hér er hægt er að kynna sér nánar opnunartíma hverrar Vínbúðar.
04.04.2022
Vínbúðirnar verða lokaðar á skírdag, föstudaginn langa, páskadag og annan í páskum skv. venju. Við minnum viðskiptavini á að vera tímanlega til að forðast álagstíma í búðunum. Best er að koma fyrri part viku og fyrripart dags.
31.03.2022
ÁTVR hefur ákveðið að áfrýja ekki niðurstöðu héraðsdóms Reykjavíkur um frávísun mála sem höfðuð voru í þeim tilgangi að stöðva sölu áfengis í vefverslunum innanlands.
22.03.2022
ÁTVR hefur ákveðið að kæra til Landsréttar úrskurði héraðsdóms Reykjavíkur sem kveðnir voru upp þann 19. mars sl. í málum ÁTVR annars vegar gegn Bjórlandi ehf. og hins vegar gegn Arnari Sigurðssyni, Sante ehf. og Santewines SAS. ÁTVR telur rétt að fá álit áfrýjunardómstóls á þeim álitamálum sem frávísun málanna er reist á.