Fréttir
04.02.2022
ÁTVR innkallar vöruna Svartálfur Potato Porter, sem er bjór, í 330 ml áldós þar sem umbúðir vörunnar geta bólgnað út og sprungið með tilheyrandi slysahættu..
03.02.2022
Um þessar mundir fagna Vínbúðirnar 100 afmæli. Margt hefur breyst frá því fyrirtækið var fyrst stofnað þann 3. febrúar1922 og er fyrirtækið í dag margverðlaunað þjónustufyrirtæki sem setur viðskiptavini og starfsfólk í öndvegi..
07.01.2022
Nú þegar þorrinn gengur senn í garð er eins og áður boðið upp á úrval árstíðabundna bjóra fyrir tilefnið. Sala á þorrabjór hefst í Vínbúðunum fimmtudaginn 13. janúar en upphaf þorrans er á Bóndadaginn, föstudaginn 21. janúar.
03.01.2022
Alls seldust 26.386 þúsund lítrar af áfengi í Vínbúðunum á árinu 2021. Til samanburðar var sala ársins 2020 26.810 þús. lítrar en í heildina dróst salan saman um 1,6% á milli ára. Sala dróst saman í flestum söluflokkum. Tveir söluflokkar skera sig úr varðandi aukningu á milli ára, freyðivín/kampavín sem jókst um 17% og blandaðir drykkir en sala í þeim flokki jókst um 22% á milli ára.
22.12.2021
Eftirspurn eftir fágætum vörum hefur að öllu jöfnu verið mikil fyrir jól og áramót og til að mæta óskum viðskiptavina hefur 100 tegundum af léttvíni og styrktu víni nú verið bætt við vöruúrvalið í Vínbúðinni Heiðrúnu. Allt vöruval Vínbúðanna er einnig hægt að nálgast í Vefbúðinni og hægt að fá vörur sendar í þá Vínbúð sem er næst þér!
13.12.2021
Ölgerðin hefur ákveðið að innkalla Tuborg Julebryg í 330 ml gleri vegna tilkynningar um fund á broti úr gleri í slíkri flösku. Atvikið er nú til ítarlegrar rannsóknar innan Ölgerðarinnar, en þar til niðurstaða liggur fyrir hefur verið ákveðið að innkalla flöskur sem eru með framleiðsludagana „18.nóvember 2021“ og „19.nóvember 2021“ og best fyrir dagsetningarnar 18.08.22 og 19.08.22
08.12.2021
Nú líður senn að miklum annatíma í Vínbúðum sem öðrum verslunum og því getur verið sniðugt að vera tímanlega á ferðinni til að forðast mikið álag og raðir. Endilega kynntu þér álagsdreifinguna í Vínbúðunum, en það er mun minna að gera fyrri part vikunnar og fyrri part dagsins..
05.11.2021
Grímuskylda hefur nú verið sett á aftur og tekur gildi í Vínbúðunum frá og með laugardeginum 6. nóvember. Við bendum viðskiptavinum á að hægt er að kaupa margnota grímur í Vínbúðunum..
12.10.2021
Töluvert er beðið eftir jólabjórnum á hverju ári og vangaveltur eru um úrvalið hverju sinni. Sala á jólabjór og öðrum jólavörum hefst fimmtudaginn 4. nóvember í Vínbúðunum. Úrvalið hefur aldrei verið meira..
12.10.2021
Vínbúðin Heiðrún verður tímabundið lokuð vegna breytinga mánudaginn 25. október og þriðjudaginn 26. október. Við opnum aftur eftir breytingar miðvikudaginn 27. október.