Stráið sykri á disk, skerið síðan límónusneið í tvennt langsum og gerið báta  úr öðrum helmingnum. Snúið kokteilglasi á hvolf og vætið glasbarminn með öðrum límónubátnum, setjið síðan glasbarminn í sykurinn og þekjið hann vel með sykrinum. Setjið síðan klaka í kokteilhristara og hellið þar í tekíla, Cointreau, ananas og appelsínusafanum, lokið hristaranum og hristið vel. Hellið í kokteilglasið.