HUMARSALAT

1. Skelflettið og hreinsið humarinn vel.
2. Leggið hann á bakka með smjörpappír og kryddið með salti og pipar og eldið í 5-6 mínútur á 140° C í ofni.
3. Kælið humarinn þvínæst og saxið niður.
4. Fínsaxið kóríander ásamt jalapeno (takið fræin úr).
5. Blandið öllu saman með majónesinu í skál, bætið rifnum berki af einu lime saman við og smakkið til með salti og pipar. 

TRUFFLUMAJÓNES
Blandið öllu vel saman í skál. 

SUSHI GRJÓN

1. Mikilvægt er að velja réttu hrísgrjónin og er hægt að kaupa sushi hrísgrjón í nánast hvaða matvöruverslun sem er.
2. Skolun á grjónunum er mjög mikilvægt verkferli og felst það í að þrífa grjónin án þess að brjóta þau.
3. Setjið grjónin í djúpt ílát og látið það undir kalt kranavatn þar til vatnið nær vel yfir grjónin.
4. Hrærið varlega í grjónunum með höndunum þar til vatnið helst alveg tært.

Sjóðið hrísgrjónin í hrísgrjónapotti í 45 mínútur, leifið þeim að hvíla í pottinum í 20 mínútur og takið þau svo varlega úr með sleikju og setjið í viðardall (hægt er að nota plast líka).

SAMSETNING

1. Hellið 7 dl af edikinu yfir hrísgrjónin og blandið varlega saman.
2. Dreifið hrísgrjónum á noriblað sem er skorið í helming.
3. Snúið blaðinu við svo grjónin snúi niður á skurðabrettið og leggið þunnt skorið avókadó eftir endilöngu noriblaðinu.
4. Dreifið humarsalatinu þar yfir. Rúllið varlega upp með makimottu. 
5. Skerið í 8 jafna bita.
6. Raðið rúllunni að vild á disk.
7. Setjið trufflumajónes yfir og skreytið með rauðu masagoi.

VÍNIN MEÐ
Rétturinn hentar vel með ósætu rósavíni.