KJÚKLINGAVÆNGIR

1. Vængir settir í eldfast mót. Soja, púðursykri, söxuðum engifer og límónu blandað vel saman og hellt yfir vængina.
2. Bakað í ofni í 220°C í 15-20 mín. og leyft að kólna.

TEMPURA

1. Eggin pískuð og bjórnum hrært saman við.
2. Hveiti, lyftidufti, sykri, salti og pipar bætt út í.
3. Soppan á að vera álíka þykk og súrmjólk.
4. Kjúklingavængjum velt uppúr tempura og djúpsteiktir í um 2 mín.

BBQ LÍMÓNUSÓSA

1. BBQ sósa hituð í potti og límónusafi kreistur yfir ásamt srirachasósu.
2. Öllu hrært saman.
3. Vængjunum velt upp úr BBQ límónusósunni og settir á disk.
4. Svörtum sesamfræjum stráð yfir og að lokum niðurskornum vorlauk eftir smekk.

VÍNIN MEÐ
Bjór: Límónusafinn í BBQ sósunni gefur ferskan tón með kjúklingnum. Hér þarf ekki bragðmesta bjórinn en dökkur lager, eins og dekkri classic bjórarnir og breskur bitter gætu hentað vel.  

Vín: Til að para saman mat sem inniheldur sætu og sterk krydd þurfa vínin að vera mjúk og ávaxtarík gjarnan frá nýja heiminum. Hér ganga bæði hvít og rauð vín.