Frá 1. júlí 2021 fást engir einnota pokar í Vínbúðunum.
Í júlí taka í gildi nýjar reglur stjórnvalda þar sem sala á einnota pokum er bönnuð við afgreiðslukassa. Samkvæmt reglugerðinni falla allir einnota pokar undir þessa skilgreiningu, einnig lífbrjótanlegir pokar.
ÁTVR er umhugað um umhverfisvernd og er það stór liður í samfélagsábyrgð fyrirtækisins. Því verður sölu á öllum einnota pokum hætt í Vínbúðunum 1. júlí. Fyrirtækið hefur í nokkur ár hvatt viðskiptavini til að skipta yfir í margnota poka og haft metnað í að bjóða fjölbreytt úrval slíkra poka á sanngjörnu verði.
Við höfum fulla trú á því að viðskiptavinir taki vel í þessa góðu þróun og taki þátt í því með okkur að vera fyrirmynd í samfélagsábyrgð.